Erla S. Haraldsdóttir vinnur með málverk, hreyfimyndir, myndbönd og samsettar ljósmyndir til að nálgast og endurskapa veruleikann. Hún er málari sem stundaði akademískt nám í sinni grein. Erla S. einbeitir sér nú að málverki þar sem efniskennd málningar og litar skapa rými, ljós og skugga. Verk hennar fanga hlutbundið málverk, óhlutbundinn lit og mynstur í fágun málverksins. Viðfangsefni verkanna er að kanna hvernig minningar, tilfinningar og skynjun hafa samverkandi áhrif. Sjálf aðferðafræði er í brennidepli í vinnuferlinu, sem oft á rætur að rekja í reglum, ýmsum boðum og bönnum, og tengjast stöðum eða sögum og verkefnum, þar sem fyrirmæli annarra hafa áhrif á útkomuna.

Oft notar hún svipaðar aðferðir í kennslu og flóknum samstarfsverkefnum. Þessari hlið verka hennar er lýst í útgefnu efni, til að mynda bókinni Difficulty of Freedom/Freedom of Difficulty (Reykjavík: Umeå Academy of Fine Arts and Crymogea, 2014), sem byggir á verkstæðisvinnu í Nýlistasafninu (2013) og Verkligheten art space í Umeå (2014), og jafnframt í nýjustu bók hennar, Make a Painting of Trees Growing in a Forest (Reykjavík: Crymogea, 2015).

Meðal staða þar sem Erla Sylvía hefur sýnt verk sín má telja: Dómkirkjuna í Lundi, The Crypt, (Svíþjóð), Hallgrímskirkju, (Reykjavík, Íslandi), Kalmar Konstmuseum (Svíþjóð), Moderna Museet (Stokkhólmi), Listasafnið á Akureyri, (Íslandi), Kunstverein Langenhagen (Þýskalandi), Bielefelder Kunstverein (Þýskalandi), Künstlerhaus Bethanien (Berlín), Berlinische Galerie (Berlín) og the Momentum Biennial of Contemporary Art (Moss, Noregi). Verk hennar eru í safneign listasafna á Íslandi (Listasafn Íslands, Listasafn Reykjavíkur, Listasafnið á Akureyri, Listasafn ASÍ) og í Svíþjóð (National Public Art Council, Moderna Museet). Hún hefur dvalið í ýmsum gestavinnustofum, þar á meðal, Bag Factory Artists Studio (Jóhannesborg), Künstlerhaus Bethanien (Berlín), Cité des Arts (París), and Ateliers ’89 (Oranjestad, Aruba). Á meðal nýlegra sýninga Erlu Sylvíu má telja Genesis (Galleri Konstepidemin Gautaborg) Genesis (Hallgrímskirkja, Reykjavík) Make a Painting of Trees Growing in a Forest (Kalmar Konstmuseum), 2016, Nýmálað 2 (Listasafn Reykjavíkur) 2015, Project Metropolis (Silesian Museum, Katowice), 2015, Visual Wandering (Listasafn ASÍ, Reykjavík), 2014, M:E:E:H. í Sjálfstæðu Fólki, Listahátíð í Reykjavík, 2012, and Moment-Ynglingagatan 1 (Moderna Museet, Stockhólmi), 2011.

Erla S. stundaði nám við Konunglega Listaháskólann í Stokkhólmi, the San Francisco Arts Institute og útskrifaðist frá Listaháskólanum Valand í Gautaborg 1998.

Hún fæddist í Reykjavík, en býr og starfar í Berlín. Frá 2011 til 2015 var hún gesta prófessor við Listaakademíuna í Umeå, Svíþjóð.

Þýðing, Guðbjörg H. Leaman